EAEO-nyń qoldanystaǵy zańnamasy túbegeıli ózgerýi múmkin

NUR-SULTAN. QazAqparat - Eýrazııalyq ekonomıkalyq odaqtyń qoldanystaǵy zańnamasy túbegeıli ózgerýi múmkin. Bul týraly Habar24 habarlady.

Barlyq zańdy qujattarǵa saraptamany Ekonomıkalyq yntymaqtastyq jáne damý uıymy jasamaq. Osyǵan baılanysty Almatyda aldyn ala kelissóz ótkizildi. Bul uıymnyń quramynda ekonomıkasy damyǵan 35 memleket bar. Buǵan deıin osy uıym Eýroodaqqa múshe memleketter arasyndaǵy quqyqtyq qarym-qatynas qujattaryn qarastyrǵan.

«Olardyń sarapshylary bizdiń zańnamanyń saraptamasyn jasaıdy. Ekinshiden, ınstıtýtsıonaldy shemany qaraıdy. Úshinshiden, bizdiń quqyqty qoldanýǵa óziniń tájirıbesin qarastyrady. Bolashaqta bizdiń bıznestiń damýyna, bıznes ahýaldy jaqsartýǵa, básekelestikti damytýǵa áser etedi dep senemiz»,-dedi Eýrazııalyq ekonomıkalyq komıssııanyń alqa múshesi Serik Jumanǵarın.