EAEO-nyń kedendik shekarasynda veterınarlyq baqylaý kúsheıtilmek

ASTANA. QazAqparat - QR Aýyl sharýashylyǵy mınıstrligi Eýrazııalyq ekonomıkalyq odaqtyń kedendik shekarasynda karantındik jáne veterınarlyq baqylaýdy kúsheıtýdi usyndy, dep habarlaıdy «QazAqparat» HAA tilshisi.

Kedendik beketterde baqylaýdy kúsheıtý qajettigin Parlament Májilisinde «QR keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zań jobasyn tanystyrǵan QR Aýyl sharýashylyǵy mınıstriniń birinshi orynbasary Qaırat Aıtýǵanov kóterdi.

«Zań jobasynda EAEO-nyń kedendik shekaralary arqyly taýarlardyń ornyn aýystyrý kezinde baqylaý beketterinde ǵana emes, ruqsat etilmegen taýarlardyń tasymalyn boldyrmaıtyn normalar qarastyrylǵan. ıAǵnı, zańnamamen aıqyndalǵan ózge de jerlerde veterınarııalyq jáne karantındik baqylaý júrgizý qajet dep bilemiz», - deıdi birinshi vıtse-mınıstr.

Qaırat Aıtýǵanovtyń aıtýyna qaraǵanda, veterınarııa salasyndaǵy uıymdastyrýshylyq, oryndaýshylyq qyzmetterdiń negizgi jáne baqylaý-qadaǵalaý fýnktsııalarynyń bir bóligi ákimdikterge berilgen. Mınıstrlikte tek aýyl sharýashylyq ónimderiniń eksporty nemese ımportyna qatysty, sondaı-aq ákimdikterdiń qyzmetine baqylaý jáne úılestirýshilik qyzmeti qalǵan.

«Ákimdikterge júktelgen mindetterdi ishinara tekserý jylyna 1 retten artyq júrgizilmeıdi», - deıdi Qaırat Aıtýǵanov.

Onyń pikirinshe, zań jobasy boıynsha veterınarııa salasyndaǵy jergilikti atqarýshy organnyń qyzmetin jaqsartý boıynsha jumys júrgizý qarastyrylyp otyr.