EAEO-ny tolyq tsıfrlandyrý 2025 jylǵa deıin aıaqtalady

NUR-SULTAN. QazAqparat – Eýrazııalyq ekonomıkalyq komıssııanyń básekelestik jáne monopolııaǵa qarsy retteý jónindegi múshesi (mınıstri) Arman Shaqqalıev Eýrazııalyq ekonomıkalyq odaq aıasynda elektrondy-tsıfrlyq qoltańba engizý múmkindigine qatysty oıymen bólisti, dep habarlaıdy QazAqparat tilshisi.

«Belgili bir qolaısyzdyq týyndaıdy. Óıtkeni, úıdegi elektrondyq-tsıfrlyq qoltańbany qoldaný zatty satyp alatyn elge barǵannan, fılıal nemese ókildik ashqannan áldeqaıda jeńil ekendigi belgili. Búginde komıssııa ózge eldermen birge is-sharalar josparyn ázirledi jáne birinshi jartyjyldyqta ony bekitýimiz qajet. Árıne, bizdegi memlekettik satyp alýlardaǵy tsıfrlandyrý deńgeıiniń ártúrli ekendigin de qaperge alamyz», - dedi ol Ortalyq kommýnıkatsııalar qyzmetiniń kóshpeli baspasóz máslıhaty barysynda.

Onyń atap ótýinshe, taǵy bir másele mundaı qoltańbalardyń túpnusqa ekendigin dáleldeýge jáne ózge de tehıkalyq aspektige qatysty bolmaq.

«Búginde qarqyndy túrde konsýltatsııa júrgizip jatyrmyz jáne bizde atalǵan máseleni júzege asyrýǵa qatysty naqty túsinik bar. Esterińizge sala keteıin, bizde 2025 jylǵa deıin qatysýshy elderde memlekettik satyp alýlardy tolyqtaı tsıfrlandyrý jónindegi strategııalyq baǵyt qabyldanǵan», - dedi Arman Shaqqalıev.