EAEO-ny damytýdyń jańa strategııasyn daıyndaýdyń qajeti joq - Prezıdent

ASTANA. QazAqparat – Eýrazııalyq ekonomıkalyq odaqty damytýdyń jańa strategııasyn ázirleý qajettiligi joq. Bul týraly Bishkekte ótip jatqan Joǵary Eýrazııalyq ekonomıkalyq keńes otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«2020 jyly Eýrazııalyq ekonomıkalyq ıntegratsııanyń 2025 jylǵa deıingi damý strategııasyn qabyldadyq. Búginde EAEO-ǵa múshe elderdiń úkimetteri Komıssııamen birlesip, ony júzege asyryp keledi. Árıne, bul protsess bastapqyda oılaǵandaı tez júrip jatqan joq. Munyń obektıvti sebepteri bar. Jekelegen máseleler Taraptar úshin óte ózekti»,- dedi Memleket basshysy.

QR Prezıdenti pragmatızm jáne árbir qadamnyń jan-jaqty pysyqtalýy josparlanǵan merzimde júzege asyrýǵa degen umtylystan basym bolýy kerektigin atap ótti.

«Strategııany barlyq múshe memleketterdiń ulttyq múddesin tolyq eskere otyryp, kezeń-kezeńimen júzege asyrý – eń durys tásil. EAEO-ny damytýdyń jańa strategııasyn ázirleýdiń qajettili joq dep esepteımiz. Munyń ústine ulttyq úkimetterdiń quqyqtaryn shekteý qajettiligi de joq», - dedi Qasym-Jomart Toqaev.

Foto: t.me/bort_01