EAEO men Mysyr erkin saýda týraly kelisim boıynsha tolyq formatty kelissózderdi bastaıdy

ASTANA. QazAqparat - Eýrazııalyq ekonomıkalyq komıssııada EEK saýda jónindegi alqa múshesi Veronıka Nıkıshına Egıpet Arab Respýblıkasynyń saýda jáne ónerkásip mınıstri Tarek Kabılmen kezdesti. Bul týraly QazAqparat EEK baspasóz qyzmetine silteme jasap habarlaıdy.

Erkin saýda aımaǵy (EST) týraly kelisim jasaý týraly kelissózderge daıyndyq jumystarynyń nátıjesi, sondaı-aq 2017 jyldyń 21 jeltoqsanynda bolǵan Eýrazııalyq ekonomıkalyq odaq pen Egıpet delegatsııalary tehnıkalyq konsýltatsııalarynyń nátıjeleri talqylandy.

Tarek Kabıl Odaqpen aldaǵy kelissózderdiń Egıpet úshin mańyzdy ekendigin atap ótip, kelisimge jýyq arady qol qoıylatyndyǵyna senim bildirdi.

Veronıka Nıkıshına óz tarapynan EAEO saýda seriktesteri arasyndaǵy Egıpettiń mańyzdy ornyn atap ótti.

Mınıstrler bıyl kúzde kelisimder boıynsha kelissózderdiń keń formatty kezeńin ótkizýge ýaǵdalasty.