EAEO men Irannyń erkin saýda týraly kelissózderi aıaqtalýǵa jaqyn – EEK mınıstri
Bul týraly «Eýrazııalyq aptalyq» halyqaralyq forýmy aıasynda ótken baspasóz máslıhatynda EEK saýda mınıstr Veronıka Nıkıshına málim etti, dep habarlaıdy QazAqparat.
«Segiz aı boıy Iranmen aıtarlyqtaı qyzý talqyda kelissózder júrgizip jatyrmyz. Osy oraıda kelissózderdiń jeti kezeńi ótti. Atap óter jaıt, biz osy kelissózderdi aıaqtaýǵa jaqyndap qaldyq. Bul talqylaýlardyń nátıjesi úsh bólikten turady, onyń ishinde sharttyń mátini qamtylyp otyr. Onda oıyn erejesin aıqyndaıtyn retteýshi baza pysyqtylǵan. Bul óz kezeginde óte mańyzdy, sebebi Iran Dúnıejúzilik saýda uıymyna múshe emes. Sondyqtan EAEO men Iran arasyndaǵy saýda erejesin naqty sıpattaý ózekti elementterdiń biri jáne biz aıtarlyqtaı jaqsy mátindi daıarladyq dep paıymdaımyn»,-dedi Veronıka Nıkıshına.
Onyń sózine qaraǵanda, qujattyń qalǵan eki bólimi ónerkásip pen aýyl sharýashylyǵy taýarlaryna baj boıynsha ýaǵdalastyqty qamtyp otyr.
«Kelissózder aıaqtalyp qaldy. Endi bólek taýarlar jóninde kelisý kerek»,-dedi ol.
V. Nıkıshınanyń paıymynsha, bul turǵydaǵy jumystar oıdaǵydaı bolmasa, onda kelissózderdi aıaqtaý merzimin birshama keıinge shegerýge týra keledi.
Budan buryn Eýrazııalyq ekonomıkalyq komıssııa alqasynyń tóraǵasy Tıgran Sarkısıan erkin saýda aımaǵyn qurý - eýrazııalyq ıntegratsııalyq birlestik pen Iran arasyndaǵy baılanystardyń mańyzdy aspektileri bolyp otyrǵandyǵyn atap ótken edi .
EEK alqasynyń tóraǵasynyń sózinshe, Iran EAEO elderi úshin erkin saýda aımaǵyn qurý máselesi boıynsha basymdyqqa ıe elderdiń biri. Odaqqa múshe memleketterdiń basshylary da Eýrazııalyq ekonomıkalyq odaq pen Iran arasyndaǵy qyram-qatynastardy tereńdetýdi qoldaıdy.
