EAEO men Iran arasyndaǵy kelisim úsh jyl jalǵasady

ASTANA. QazAqparat - Ulttyq ekonomıka vıtse-mınıstri Tımýr Jaqsylyqov Eýrazııalyq ekonomıkalyq odaq pen Iran arasynda qol qoıylǵan erkin saýda aımaǵy týraly kelisimge qatysty pikir bildirdi, dep habarlaıdy QazAqparat.

Onyń aıtýynsha, Eýrazııalyq ekonomıkalyq odaq qazir Izraıl jáne Serbııamen kelisim jasaý úshin tıisti kelissózder júrgizilip jatyr.

«Dál qazir Iranmen ýaqytsha kelisim jasaý úshin óte qarqyndy jumys júrip jatyr. Bul kelisimniń mańyzy zor, óıtkeni - Iran bizdiń óńirdegi el, Kaspıı teńizindegi shekaralas el. Osy jyly ýaqytsha kelisimge qol qoıamyz degen úmit bar»,-deıdi vıtse-mınıstr.

Kelisim jasalsa, úsh jyldyq merzimge jasalmaq ekenin de atap ótti ol. «Biz kelisimdi úsh jylǵa arnap jasaımyz. Óıtkeni, Iran ázirge Dúnıejúzilik saýda uıymyna múshe emes, ıaǵnı, osy uıymǵa múshe bolatyn kelissózderi qatar júrip jatyr»,-dep túsindirdi Jaqsylyqov.

Budan buryn habarlaǵanymyzdaı, Eýrazııalyq ekonomıkalyq komıssııanyń keńesi erkin saýda aımaǵy týraly ýaqytsha kelisim jasaý úshin Iranmen arada konsýltatsııa bastaýǵa ruqsat bergen bolatyn.