EAEO men «Bir beldeý, bir jol» jobasynyń múmkindikterin barynsha paıdalaný kerek – Prezıdent
«Elimizdiń halyqaralyq arenadaǵy ekonomıkalyq múddesin belsendi túrde ilgeriletip, ulttyq múddeni qorǵaýda syndarly ustanym men kásibı biliktilik tanytý kerek. Qazaqstannyń ıgiligi úshin Eýrazııa ekonomıkalyq odaǵynyń jáne «Bir beldeý, bir jol» jobasynyń zor múmkindikterin barynsha paıdalanǵan jón», - dep atap ótti Prezıdent.
Álemde qalyptasqan jańa ahýalda elge ınvestıtsııa tartyp, otandyq taýarlar men qyzmetterdi eksportqa shyǵarý Úkimet úshin basymdyqqa ıe bolyp otyr. «Astana» halyqaralyq qarjy ortalyǵynyń áleýetin tıimdi paıdalanǵan jón. Qarjy ortalyǵy tikeleı jáne portfeldi ınvestıtsııalar tartýda negizgi quralyna aınalýy tıis.
«Túıindeı aıtarym, ishki jalpy ónimniń abstraktili ósimimen jurtty qýanta almaımyz. Halyqqa turaqty jumys oryndary, qolaıly jol, aýrýhanalar men mektepter, sapaly azyq-túlik kerek. Ekonomıkalyq reformalar azamattardyń tabysyn arttyryp, turmys sapasynyń joǵary standartyn qamtamasyz etkende ǵana, ózin-ózi aqtap, qoldaýǵa ıe bolady. Osyny árdaıym este saqtaýymyz qajet», - dedi Qasym-Jomart Toqaev.
