EAEO men BAÁ arasyndaǵy ekonomıkalyq áriptestik týraly kelisim kúshine endi

Kelisimge 2025 jyly 27 maýsymda Sankt-Peterbýrg qalasynda qol qoıyldy. Kelisim Qazaqstan Respýblıkasynyń 2026 jylǵy 8 shildedegi № 338-VIII QRZ Zańymenratıfıkatsııalandy.

Kelisimniń negizgi maqsaty – taýar nomenklatýrasynyń 85%-dan astamyna qatysty ımporttyq kedendik bajdardy ózara alyp tastaý jáne azaıtý, sondaı-aq taraptar arasyndaǵy saýdany jeńildetý.

QR Saýda jáne ıntegratsııa mınıstrligi málimetinshe, Ámirlik naryǵynyń ashylýy qazaqstandyq eksporttaýshylarǵa BAÁ-ge aýyl sharýashylyǵy jáne ónerkásip ónimderiniń mynandaı sanattaryn bajsyz jetkizýge múmkindik qamtamasyz etedi: qoı eti, keptirilgen burshaq kókónisteri, taýyq eti, ІQM eti, basqa da azyq-túlik ónimderi, qant qosylǵan mıneraldy sý, bıdaı uny, kondıterlik ónimder, ónerkásip taýarlary úshin: munaı jáne munaı ónimderi, tazartylǵan mys, ystyqtaı ılektelgen jalpaq prokat, sýyqtaı ılektelgen jalpaq prokat, shybyqtar, krandar, klapandar, klapandar, MTS bólshekteri, sorǵylar jáne t.b.

Importtyq kedendik bajdardyń kúshin joıý men tómendetýden basqa, Kelisimde kedendik yntymaqtastyq, saýdany qorǵaý sharalary, taýarlardyń shyǵý tegin aıqyndaý, STQ, SFS, zııatkerlik menshik týraly erejeler, sondaı-aq quqyqtyq jáne ınstıtýtsıonaldyq máseleler boıynsha tıisti taraýlar jáne salalyq yntymaqtastyqty damytý, shaǵyn jáne orta bıznestiń, elektrondy saýdanyń jáne
t.b. salalardaǵy ýaǵdalastyqtar qarastyrylǵan.

 Saýdanyń tolyq formatty preferentsııalyq rejımin qalyptastyrý, kelisim aıasyndaǵy máselelerdiń keń aýqymyn retteý ózara saýdanyń áleýetin iske asyrýǵa jáne Qazaqstannyń BAÁ-men saýda-ekonomıkalyq qatynastaryn sapaly jańa deńgeıge shyǵarýǵa múmkindik beredi.

Qazaqstandyq ǵylymı ataqtar EAEO elderinde moıyndalatynyn jazǵan edik.