EAEO qutqarýshylary óz qyzmetiniń taǵy bir osal tusyn anyqtady

ASTANA. QazAqparat - Astanadaǵy "Marrıot" qonaq úıinde Qazaqstan, Reseı men Belarýstiń tótenshe jaǵdaılar vedomstvolarynyń birlesken otyrysy ótýde. Osy jolǵy májilistiń talqylaýyna taǵy bir mańyzdy másele shyǵarylyp otyr,  dep xabarlaıdy QazAqparat tilshisi.

"Endi, qazirgi kezde biz sý tasqyndary men órt apattarynyń aldyn alý salasynda ózara tájirıbe almasyp kelemiz. Atalǵan oqıǵalardy ǵaryshtan baqylaý sharalary da qolǵa alynǵan. Sosyn osy joly biz jańa taqyrypqa basa nazar aýdarǵandy jón kórdik. Ol - jańadan salynyp jatqan kópqabatty nysandarda iri órt oqıǵalarynyń aldyn alý. Ondaı oqıǵalar Reseıde de, Qazaqstan jerinde de boldy. Biz Eýrazııalyq ekonomıkalyq odaqqa kirgennen keıin xalyqtyń qaýipsizdigin qamtamasyz etýdiń biryńǵaı erejelerin daıyndaýymyz qajet", - dedi QR Іshki ister vıtse-mınıstri ıÝrıı Ilın jýrnalısterge bergen suxbatynda.

Aıta keteıik, Astanadaǵy otyrysqa Reseı men Belarýs tarapynan tótenshe jaǵdaılar mınıstrleri keldi. Al Qazaqstan jaǵynan QR Іshki ister mınıstri Qalmuxambet Qasymov teń tóraǵalyq etýde. Sebebi tótenshe jaǵdaılar komıteti atalǵan mınıstrliktiń quramyna kiredi. Birlesken májilistiń basy xattama boıynsha ashylyp, ary qaraı jabyq kúıinde jalǵasty.