EAEO kelisimsharty jobasynyń negizgi erejeleri boıynsha ortaq túsinikke qol jetkizildi - B.Saǵyntaev
ASTANA. QazAqparat - Eýroazııalyq ekonomıkalyq odaq qurý týraly kelisim-sharttyń negizgi erejelerin talqylaý kezinde taraptar arasynda kezeńdi ıntegratsııa qajettiligi týraly ortaq túsinikke qol jetkizildi, dep habarlady búgin QR Premer-Mınıstriniń birinshi orynbasary Baqytjan Saǵyntaev Eýroazııalyq ekonomıkalyq komıssııa (EEK) keńesi otyrysynyń barysy týraly brıfıngte.
«Búgingi tańda biz (EAEO týraly kelisim-sharttyń) negizgi baǵyttary boıynsha kezeńdilik jáne ózara tıimdi ekonomıkalyq yntymaqtastyq negizinde ıntegratsııalyq protsesterdi damytý qajettigi týraly jalpy túsinik bar dep aıta alamyz», - dedi B. Saǵyntaev.
Sonymen birge, ol otyrystyń qatysýshylary kelisim-sharttyń fýnktsıonaldy bóligi, saýda saıasaty týraly ereje, salyq saıasaty, qarjy sektory, agroónerkásiptik keshen, ónerkásiptik saıasat týraly máseleler jan-jaqty talqylaǵanyn atap ótti.
«Sarapshylar arasynda kelispeýshilik týdyrǵan saýaldardy keńes deńgeıinde bul máselelerdi talqylaı bastadyq», - dep tolyqtyrdy B. Saǵyntaev.
