EAEO: Qazaqstanǵa qandaı elderden eksport joǵary

ASTANA. QazAqparat – Bıylǵy qańtar-maýsymda Qazaqstannyń EAEO elderimen ózara saýdasy 13 843,1 mln AQSh dollaryn qurap, ótken jyldyń sáıkes kezeńimen salystyrǵanda nomınaldy mánde 4,1% artty. Bul týraly Ulttyq statıstıka bıýrosynan málim etti, dep habarlaıdy QazAqparat.

EAEO elderine eksport 5 430,1 mln AQSh dollaryn (36,8% kóp) qurasa, ımport 8 413 mln AQSh dollary (9,9% az) boldy.

Saýda aınalymynyń jalpy kóleminde elder úlesi: Armenııa – 0,2%, Belarýs – 3,3%, Qyrǵyzstan – 4,6%, Reseı Federatsııasy – 91,9%.

Eksport qurylymyndaǵy eń joǵary úles mashınalar, jabdyqtar, kólik quraldary, aspaptar men apparattarǵa tıesili – 28,1%, odan keıin hımııa jáne onymen baılanysty ónerkásip salalarynyń ónimderi – 25,5%.

EAEO elderinen Qazaqstanǵa ákelinetin ımport qurylymynda mal jáne ósimdik ónimderi, daıyn azyq-túlik taýarlary basym – 20%, metaldar men olardan jasalǵan buıymdar úlesi – 18,9%, sondaı-aq mashınalar, jabdyqtar, kólik quraldary, aspaptar men apparattar boıynsha – 18%.