EAEO hattamasy shetelden ınternet arqyly aldyratyn taýarlardyń baǵasyn 2 paıyzǵa kóterýi múmkin

ASTANA. KAZINFORM – Májiliste Májilis Eýrazııalyq ekonomıkalyq odaqtyń Keden kodeksi týraly shartqa elektrondyq saýdany retteý baǵytynda ózgerister engizetin hattamasyn ratıfıkatsııalaý týraly zań jobasy talqylanyp jatyr.

Qujatty tanystyrǵan Premer-mınıstrdiń orynbasary – Ulttyq ekonomıka mınıstri Serik Jumanǵarın depýtattardyń suraǵyna bergen jaýabynda bul hattama baǵaǵa qalaı áser etetinin túsindirdi.

- Jalpy qazir naqty aıta almaımyz. Biraq qazirgi ýaqytta shetelden taýar ákelgende erkin kirgizý mólsherinen aspasa (200 eýro, 31 kg.) qosylǵan qun salyǵymen qosqanda 15 paıyz salyq tóleıdi. Qazir QQS 12 paıyz, oǵan 5 paıyz kedendik baj qosylady. Sonda bul qujat ratıfıkatsııalanǵanǵa deıin shekaradan ótkende ınternet taýarlaryna 15 paıyz salyq salynsa, endi 17 paıyz bolady. Jańa Salyq kodeksi qabyldanǵannan keıin QQS 16 paıyz bolatyny túsinikti. Biraq endi ol eki jaqqa da áseri bar shara. Sonda naqty osy hattamany ratıfıkatsııalaýdyń saldarynan ınternet arqyly shetelden aldyratyn taýardyń baǵasy 2 paıyz qymbattaýy múmkin, - dedi vıtse-premer.

Eske salsaq, Astana halyqaralyq forýmynda Eýrazııalyq ekonomıkalyq komıssııanyń ekonomıka jáne qarjy saıasaty mınıstri Baqytjan Saǵyntaev EAEO-ǵa múshe elderdiń kedendik baj úlesin qaıta qaraý máselesi nege kesheýildep jatqanyn aıtqan edi.