08:57, 20 Aqpan 2018 | GMT +6
EAEO-ǵa tsıfrlyq bastamalardy onlaın usynýǵa bolady
ASTANA. QazAqparat - Eýrazııalyq ekonomıkalyq komıssııa (EEK) alqasy Eýrazııalyq ekonomıkalyq odaqtyń (EAEO) tsıfrlyq máseleleri aıasynda bastamashylar (kásipkerler nemese memlekettik bılik organdary ókilderi) usynatyn jáne júzege asyrylatyn bastamalar nemese jobalar týraly aqparattardy usyný úlgisin bekitti, dep habarlaıdy EEK baspasóz qyzmeti.
Bastamashy ótinish bildirý úshin taıaý kúnderi iske qosylatyn Odaq portalyndaǵy arnaıy Internet-resýrsqa tirkelýi qajet. Bastamashy 11 aqparattyq bloktan turatyn onlaın-úlgini toltyrýy tıis. Ár blokta bastamanyń mańyzdylyǵy, onyń zertteý deńgeıi, boljaldy shyǵynnyń quny, ıntegratsııalyq baǵdarlaý týraly suraqtar qamtylǵan.
Bastamashy ary qaraı óz ótinishiniń aǵymdaǵy jaǵdaıyn baqylaı alady.
Komıssııa tsıfrlyq bastamalardy usyný úshin bıznes, konsortsıým, Odaq elderiniń bılik organdaryn shaqyrady. Olardyń maqsaty - múshe memleketterdiń ekonomıkasyn damytý.
