EAEO elektrondy kommertsııaǵa biryńǵaı erejeler engizedi
ASTANA. KAZINFORM – Eýrazııalyq ekonomıkalyq komıssııa (EEK) keńesi Eýrazııalyq ekonomıkalyq odaqtaǵy elektrondyq kommertsııa týraly kelisim jobasyn maquldap, qujatqa qol qoıý úshin qajetti rásimderdi oryndaý úshin múshe memleketterge jiberdi, dep habarlaıdy Kazinform.
Joba 2021 jyly odaqqa múshe memleketterdiń úkimet basshylary bekitken EAEO-da elektrondyq kommertsııany damytý úshin qolaıly jaǵdaılar jasaý jol kartasyn iske asyrý aıasynda daıyndaldy. Onyń negizgi maqsaty - ishki naryqta osy saýda túrine ortaq erejelerdi belgileý.
- Bul aýqymdy jumystyń maqsaty elektrondyq kommertsııa taýarlarynyń erkin qozǵalysyna kedergi keltiretin ártúrli kedergilerdiń qaýpin azaıtý. Kásipkerler úshin bul Odaq boıynsha retteýdiń birkelkiligin, boljamdylyǵyn jáne ashyqtyǵyn, elektrondyq qujat aınalymyn paıdalaný múmkindigin jáne ákimshilik aýyrtpalyqty jáne qarjylyq shyǵyndardy azaıtýdy bildiredi, - dep atap ótti EEK saýda mınıstri Andreı Slepnev.
Tutynýshylar úshin biryńǵaı ereje engizý olardyń quqyqtaryn dástúrli saýdamen salystyrýǵa bolatyndaı qorǵaýdy, sondaı-aq aqparattyq qaýipsizdikti qamtamasyz etý, jeke derekterdi qorǵaý sharalaryn qamtamasyz etedi.
Keshendi quqyqtyq ortany qurý bes eldegi bıznes pen tutynýshylar úshin qolaıly jaǵdaılar jasaýdaǵy mańyzdy qadam. EEK veb-saıtynyń málimeti boıynsha, odaq naryǵynda elektrondyq kommertsııa taýarlary men onymen baılanysty qyzmetterdiń erkin qozǵalysyn qamtamasyz etý azamattarǵa ártúrli aımaqtardan keletin joǵary sapaly taýarlardyń keń aýqymyna qol jetkizýge múmkindik beredi jáne bıznes úshin jańa naryqtar ashady.
EEK málimetteri boıynsha, Eýrazııalyq bestikte onlaın saýda tanymal bola bastady. Búgingi tańda EEO elderi halqynyń 95%-y satyp alýlardy osylaısha júzege asyrady. Alaıda, árbir ekinshi turǵyn óz quqyqtarynyń buzylýyna tap bolady.
Osyǵan baılanysty, 2026 jyly Eýrazııalyq ekonomıkalyq komıssııa odaq elderimen birlesip, azamattardyń taýarlar men qyzmetterdi onlaın satyp alý kezinde óz quqyqtary týraly habardarlyǵyn arttyrý úshin aqparattyq jáne bilim berý is-sharalaryn ótkizýdi josparlap otyr.