EAEO elderiniń taýar aınalymy 95 mlrd dollarǵa jetti - Pýtın
ASTANA.KAZINFORM — EAEO aıasynda saýda kedergilerin joıý sharalary jalǵasyp jatyr. Bul týraly búgin Astanadaǵy Joǵary Eýrazııalyq ekonomıkalyq keńestiń otyrysynda Reseı Prezıdenti Vladımır Pýtın málim etti.
Onyń aıtýynsha, ózara qarym-qatynas EAEO elderine naqty paıda ákelip jatyr.
— EAEO-daǵy bes múshe memlekettiń negizgi makroekonomıkalyq kórsetkishteri turaqty oń úrdisti baıqatty. Eýrazııalyq ekonomıkalyq odaqta jalpy ónerkásip óndirisi 1,6 paıyzǵa, aýyl sharýashylyǵyndaǵy óndirisi 4,6 paıyzǵa, qurylys 4,2 paıyzǵa ósti. Ekonomıkanyń birqatar sektorynda da ósim baıqaldy. EAEO-ǵa múshe memleketter arasyndaǵy taýar aǵyny byltyr 95 mlrd dollarǵa jetti. Joǵary tehnologııalyq ónimdi jetkizýdi keńeıtý jáne shıkizat ónimderi úlesiniń bir mezgilde qysqarýy esebinen taýar aınalymynyń qurylymy jaqsaryp keledi, - dedi V. Pýtın.
Onyń sózine qaraǵanda, EAEO aıasynda saýda kedergilerin joıý sharalary jalǵasyp jatyr.
— Elderimiz arasyndaǵy barlyq esep aıyrysý ulttyq valıýtalarda júzege asyrylyp keledi. Osylaısha, ózara eksporttyq-ımporttyq operatsııalar syrtqy áserden jáne jahandyq naryqtardaǵy teris úrdisterden senimdi qorǵalǵan, - dedi Reseı Prezıdenti.
Budan buryn habarlanǵandaı, Astanada Joǵary Eýrazııalyq ekonomıkalyq keńestiń otyrysy bastalǵanyn jazǵan edik.
