EAEO elderinen ákelingen karantındik ónimderden 121 zańbuzýshylyq anyqtaldy
ASTANA. KAZINFORM – Bıyl qańtar aıynda QR Aýyl sharýashylyǵy mınıstrliginiń Agroónerkásiptik keshendegi Memlekettik ınspektsııa komıtetiniń ósimdik karantıni jónindegi memlekettik ınspektorlary Eýrazııalyq ekonomıkalyq odaqqa múshe elderden Qazaqstan aýmaǵyna karantındik ónimderdi ákelý kezinde ósimdik karantıni salasynda 121 zań buzýshylyq anyqtady.
Karantındik fıtosanıtarııalyq tekserý júrgizý barysynda belgilengen fıtosanıtarııalyq talaptarǵa sáıkes kelmeıtin karantındik ónimderdi ákelý derekteriniń joly kesildi.
Mınıstrlik málimetinshe, negizgi sebep – fıtosanıtarııalyq sertıfıkattyń bolmaýy, usynylǵan qujattardyń talapqa saı kelmeýi, tańbalaýdyń joqtyǵy, sondaı-aq ónimdi qaıtalama tekserýge usynbaý.
Naqtylap aıtqanda, 85 oqıǵa boıynsha karantındik ónim qaıtalama tekserýge usynylmaǵan, 11 derek boıynsha fıtosanıtarııalyq talaptar buzylǵan, sondaı-aq fıtosanıtarııalyq sertıfıkat talapqa saı emes. Sonymen qatar karantındik nysandar anyqtaldy jáne ózge de zańbuzýshylyqtar tirkeldi.
Zańdy talapty buzǵan tulǵalar Qazaqstan Ákimshilik quqyq buzýshylyq týraly kodeksiniń 400-babyna sáıkes ákimshilik jaýapkershilikke tartyldy.
Aıta keteıik, EAEO elderi kontrafaktilik kontentke qarsy birlesken sharalar ázirlep jatyr.
EAEO elektrondy kommertsııaǵa biryńǵaı erejeler engizedi.