EAEO elderiniń jalpy ishki ónimi 4,5 paıyzǵa ósti – Prezıdent

NUR-SULTAN. QazAqparat – Eýrazııalyq ekonomıkalyq odaq elderiniń jalpy ishki ónimi 2021 jyldyń 6 aıynda 4,5 paıyzǵa ósti. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Odaq memleketteri ekonomıkasynyń birtindep qalypqa túsip kele jatqandyǵy da qýantady. Eýrazııalyq ekonomıkalyq komıssııa málimetterine sáıkes, osy jyldyń birinshi jartyjyldyǵynda odaq elderiniń jalpy ishki óniminiń ósimi 4,5 paıyzdy qurady. Jıyntyq jalpy ishki ónim 900 mlrd dollarǵa jýyqtap qaldy», - dedi Qasym-Jomart Toqaev Joǵary Eýrazııalyq ekonomıkalyq keńes otyrysynda.

Degenmen, Qazaqstan Prezıdenti mundaı jetistikterdiń bar ekendigine qaramastan syrtqy táýekelder men belgisizdik faktory áli de joǵary qalyp otyrǵandyǵyn basa aıtty.