EAEO elderiniń azamattary eńbek ótili men zeınetaqany jolǵaltpastan jumys isteıdi

ASTANA. QazAqparat - Eýrazııalyq ekonomıkalyq odaqqa múshe memleketterdiń úkimet basshylary EAEO elderinde jumys isteıtinderdi zeınetaqymen qamtamasyz etý týraly qujattyń jobasyn talqylady, dep habarlaıdy QazAqparat.

"Bizde eńbek resýrstary boıynsha ortaq naryqtyń máseleleri sońyna deıin sheshilmedi. Zeınetaqymen qamtamasyz etý týraly kelisim shaǵyn quramdaǵy otyrysta talqylandy. Ulttyq deńgeıde bizde biliktilikti moıyndaý boıynsha problemalary týyndady, ıaǵnı bul júrgizýshilik kýálikter máselesine qatysty boldy. Meniń oıymsha, aıtylǵan pikirlerdi eskere otyryp, jaqyn arada tıisti sheshim qabyldanady", - dedi QR Úkimet basshysy Baqytjan Saǵyntaev Eýrazııalyq úkimetaralyq keńestiń otyrysynda.

Budan buryn habarlanǵandaı, Eýrazııalyq ekonomıkalyq odaqqa múshe memleketterinde jumys isteıtinderdi zeınetaqymen qamtamasyz etý týraly kelisimniń jobasyn ýaǵdalasý barysy jaıynda komıssııanyń aqparatyn baıandaý josparlanǵan.

Joba avtorlarynyń aıtýynsha, atalǵan qujat zeınetkerlik qamtý salasynda teń quqyqty qamtamasyz etýge baǵyttalǵan. Kelisim kúshine engennen keıin, EAEO-nyń kez kelgen elinde (EAEO-ǵa múshe basqa memlekettiń aýmaǵynda jumys isteý barysynda) eńbek ótili men zeınetaqany jolǵaltpastan, jumys isteý múmkindigi iske asyrylady