EAEO elderinen Qazaqstanǵa ınvestıtsııa kólemi artty ma

ASTANA. QazAqparat - 2017 jyly negizgi kapıtalǵa salynǵan ınvestıtsıalardyń kólemi 5,5 paıyzǵa ósti. Bul týraly Úkimet otyrysynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.

Investıtsııalardyń negizgi bóligi aýyl sharýashylyǵyna, saýdaǵa, qurylysqa, baılanysqa jáne ónerkásipke baǵyttaldy.

Investıtsııalardy qarjylandyrýdyń negizgi kózi kásiporyndardyń óz qarajattary. Ondaǵy ósý 23,1 paıyzdy qurady.

«2017 jylǵy 9 aıda Qazaqstan 15,7 mlrd AQSh dollarynan astam jalpy tikeleı sheteldik ınvestıtsııalardy tartty. Bul 2016 jyldyń sáıkes kezeńine qaraǵanda 5,3 paıyzǵa artyq»,-dedi mınıstr.

Sonymen qatar T. Súleımenov EAEO elderinen keletin tikeleı sheteldik ınvestıtsııalar 40,8 paıyzǵa joǵarylady (935,1 mln. AQSh dollaryna deıin).

«Bul óz kezeginde elimizdiń búkil EAEO aýmaǵynda bızneske qolaıly jaǵdaı jasaıtynynyń kórsetkishi», - dep túıindedi sózin ol.