EAEO elderinen Qazaqstanǵa bıdaı ákelýge 6 aıǵa tyıym salynady

ASTANA. QazAqparat – Elimizge Eýrazııalyq ekonomıkalyq odaq aýmaǵynan avtomobıl jáne temirjol kóligimen bıdaı ákelýge tyıym salynady, dep habarlaıdy QazAqparat tilshisi.

Mundaı tyıym Aýyl sharýashylyǵy mınıstriniń ashyq normatıvtik-quqyqtyq aktiler portalynda jarııalanǵan buıryǵynda kózdelgen.

«Alty aı (Eýrazııalyq ekonomıkalyq odaqtyń syrtqy ekonomıkalyq qyzmetiniń taýar nomenklatýralyq kody: 100119; 100199) merzimge: Qazaqstan Respýblıkasynyń aýmaǵyna úshinshi elderden jáne Eýrazııalyq ekonomıkalyq odaq elderinen avtomobıl kóligimen; lıtsenzııalanǵan elevatorlardyń, astyq óńdeýshilerdiń, qus sharýashylyǵy kásiporyndarynyń atyna temir jol kóligimen bıdaı ákelýdi qospaǵanda, Qazaqstan Respýblıkasynyń aýmaǵyna úshinshi elderden jáne Eýrazııalyq ekonomıkalyq odaq elderinen temir jol kóligimen bıdaı ákelýge tyıym salý engizilsin», - delingen buıryqta.

Qujat 4 qyrkúıekke deıin jarııa talqylaýǵa shyǵarylyp otyr.