EAEO elderindegi memlekettik satyp alýlardy tsıfrlandyrý sharalarynyń tizbesi bekitildi

NUR-SULTAN. QazAqparat - Eýrazııalyq ekonomıkalyq komıssııa alqasynyń ókimimen Eýrazııalyq ekonomıkalyq odaq elderindegi memlekettik satyp alýdy tolyq tsıfrlandyrý jónindegi sharalar tizbesi bekitildi, dep habarlaıdy QazAqparat EEK baspasóz qyzmetine silteme jasap.

«Eýrazııalyq ekonomıkalyq ıntegratsııany damytýdyń 2025 jylǵa deıingi strategııalyq baǵyttaryn, sondaı-aq qatysýshy elder ekonomıkalarynyń turaqtylyǵyn arttyrý jónindegi sharalar tizbesin iske asyrý sheńberinde qaraldy. EEK bekitken qujat elektrondyq tsıfrlyq qoltańbany paıdalana otyryp, elektrondyq formatta satyp alýdyń barlyq básekeles rásimderin júrgizý úshin quqyqtyq negiz qalyptastyrýǵa baılanysty máselelerdi pysyqtaýdy, sondaı-aq osyndaı rásimderdi ótkizý merzimderin qysqartýdy kózdeıdi», - dep túsindirdi EEK.

EEK-tiń básekelestik jáne antımonopolııany retteý jónindegi mınıstri Arman Shaqqalıevtiń aıtýynsha, qujat memlekettik satyp alýǵa qatysýshylar arasynda adal básekelestikti qamtamasyz etedi.