EAEO elderinde turǵyndardyń kiristeri arta túsken

ASTANA. QazAqparat - 2017 jyldyń qańtar-maýsym aılary aralyǵynda Eýrazııalyq ekonomıkalyq odaqqa (EAEO) múshe elderde nomınaldy aılyq jalaqy kólemi arta tústi, dep habarlaıdy EAEO-tyń baspasóz qyzmeti.

Uıymǵa múshe elderdiń ulttyq statıstıka qyzmetiniń málimetterinshe, Belarýsta onyń ósimi 2016 jyldyń sáıkes merzimimen salystyrǵanda 9,5 protsentti quraǵan (Bul EAEO-ǵa múshe elder arasyndaǵy úzdik kórsetkish), Reseıde ol 7,2%, Qyrǵyzstanda - 5,5%, Qazaqtanda - 5,1%, Armenııada - 1,3% boldy.

Ortasha aılyq nomınaldy jalaqy AQSh dollaryna shaqqanda ótken jartyjyldyqta Reseıde - 666 dollardy, Qazaqstanda - 455, Belarýsta - 405, Armenııada - 387, Qyrǵyzstanda 209 dollardy qurady.

Taýarlar men qyzmetterge degen tutynýshylarǵa arnalǵan baǵamen eseptegende naqty jalaqy Belarýsta 2,3%-ke, Qyrǵyzstanda (qańtar men maı aralyǵynda) 3%-ke, Reseıde 2,7%-ke ulǵaıdy.