EAEO elderinde bajdar turaqty bólinetin bolady - Senat
«2014 jylǵy 29 mamyrdaǵy EAEO týraly shartqa Qyrǵyz Respýblıkasynyń qosylýy týraly 2014 jylǵy 23 jeltoqsanda qol qoıylǵan sharttyń jekelegen erejelerin qoldaný týraly hattamany ratıfıkatsııalaý týraly» Zań jobasy EAEO memleketteriniń bıýdjetterine bajdardy turaqty bólý men esepke jatqyzýdy qamtamasyz etýge múmkindik beredi.
QR Ulttyq ekonomıka mınıstri Tımýr Súleımenovtyń sózine qaraǵanda, Eýrazııalyq ekonomıkalyq odaq memleketteriniń basshylary bajdardy bólý tásilderiniń birdeı bolýyn qamtamasyz etý maqsatynda kedendik ákelý bajdarynyń somalaryn bólý normatıvterin qaıta qaraý týraly sheshim qabyldady.
«Hattamany iske asyrý kedendik ákelý bajdary somalaryn bólý normatıvin azaıtýǵa alyp keledi, osyǵan baılanysty respýblıkalyq bıýdjetten shartty shyǵyndar boljanyp otyr. Osy oraıda 2018 jyly 1,9 mlrd teńgeni jáne 2019 jyly 2 mlrd teńgeni quraıdy. Osylaısha, Hattamany ratıfıkatsııalaý jáne iske asyrý biryńǵaı tásilder men bajdardy EAEO-ǵa múshe memleketterdiń bıýdjetterine turaqty bólý men esepke jatqyzýdy qamtamasyz etedi», - dedi T. Súleımenov.
Atap aıtqanda, atalǵan qujat QR Konstıtýtsııasyna, Qazaqstan Respýblıkasy qatysýshysy bolyp tabylatyn qoldanystaǵy halyqaralyq sharttarǵa ári ekijaqty kelisimderge qaıshy kelmeıdi
