EAEO elderi ortaq energııa naryǵyna baılanysty jaǵdaıdy talqylaýda

NUR-SULTAN. QazAqparat – Eýrazııalyq ekonomıkalyq komıssııasy alańynda gaz, munaı jáne munaı ónimderiniń ortaq naryqtaryn qurý úshin qabyldanýy qajet eki halyqaralyq shart boıynsha tujyrymdamalyq máselelerdi talqylaý ótti, dep habarlaıdy QazAqparat.

Atalmysh sharaǵa EEK energetıka jáne ınfraqurylym mınıstri Temirbek Asanbekov pen EAEO qatysýshy elderdiń beıindi vedomstvolary mınıstrleriniń orynbasarlary qatysty.

Eske sala keteıik, buǵan deıin eýrazııalyq «bestik» elderiniń memleket basshylary deńgeıinde EAEO-nyń munaı jáne munaı ónimderiniń ortaq naryqtaryn qalyptastyrý tujyrymdamasy men baǵdarlamasy bekitilgen bolatyn. Osyndaı qujattar paketi ortaq gaz naryǵy boıynsha qabyldandy. Kelesi mańyzdy kezeń EAEO-nyń gaz, sondaı-aq munaı jáne munaı ónimderiniń ortaq naryqtaryn qalyptastyrý jónindegi halyqaralyq sharttardy qabyldaý bolady. Bul ortaq naryqtardy iske qosýǵa arnalǵan ortaq quqyqtyq júıeni qurý úshin qajet.

Ortaq naryqtardy qalyptastyrý jáne ulttyq zańnamalardy úılestirý jónindegi jumys EAEO týraly shartta kózdelgen bazalyq qaǵıdattardy eskere otyryp júrgiziledi. Negizgileriniń biri – Munaı men munaı ónimderine naryqtyq baǵa belgileýdi qamtamasyz etý, onyń ashyqtyǵyn arttyrý. Ortaq naryqtar 2025 jyldyń 1 qańtarynan bastap jumys isteýi kerek.

Kezdesý 14 qyrkúıekte ótetin EEK Keńesiniń otyrysyna daıyndyq sheńberinde ótti.