EAEO elderi men Ózbekstannan kelgender 12 kúnge karantınge jatqyzylady
TÚRKІSTAN. QazAqparat –Qala jáne aýdan ákimderi men jaýapty basqarmalarǵa osy baǵytta monıtorıng júrgizý mindetteldi, dep habarlaıdy QazAqparat tilshisi.
Oblystyń bas sanıtarynyń qaýlysyna sáıkes, karantın rejımin jáne shekteý sharalaryn saqtamaǵan tulǵalar ákimshilik jaýapkershilikke tartylady.
«EAEO elderinen jáne Ózbekstan Respýblıkasynan Qazaqstan Respýblıkasynyń memlekettik shekarasy arqyly avtoótpe joldarynda ótkizý pýnktteri arqyly kelgen adamdar COVID-19-ǵa zerthanalyq tekserýge jáne 12 táýlik boıy úı karantınine jatqyzylady. Al, vahtalyq ádispen jumys isteıtin «Teńizshevroıl» JShS kelgen azamattar da karantındik statsıonarda 2 táýlikke deıin oqshaýlaýǵa jatady. Aımaqta jumysyn qaıta bastaǵan nysandardyń qaýlyda kórsetilgen talaptardy qatań túrde saqtaýy baqylaýǵa alynady» delingen qaýlyda.Eske salsaq, buǵan deıin Túrkistan oblysynda karantın merzimi uzartylǵany týraly habarlaǵan bolatynbyz.