EAEO elderi Qazaqstanǵa ınvestıtsııany arttyrdy - Tımýr Súleımenov

ASTANA. QazAqparat - Byltyrǵy 11 aıda Qazaqstannyń EAEO elderimen taýar aınalymy 17,1 mlrd AQSh dollaryna jetti. Bul týraly Senatta EAEO-daǵy Qazaqstannyń saýda saıasatyn iske asyrý máseleleri týraly Úkimet saǵatynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.

«Qazaqstan bes jyl boıy Eýrazııalyq ekonomıkalyq odaqqa múshe bolyp keledi. Taýarlardyń erkin qozǵalysy týraly negizgi ýaǵdalastyqtardy júzege asyrý EAEO elderi ózara saýdasynyń oń nátıjelerin kórsetýde. Atap aıtqanda, 2018 jyldyń 11 aıynyń qorytyndysy boıynsha Qazaqstannyń EAEO elderimen taýar aınalymy 6,2 paıyzǵa ulǵaıyp, 17,1 mlrd AQSh dollaryn qurady», - dedi mınıstr.

T. Súleımenovtiń sózine qaraǵanda, atalǵan merzimde eksport 10 paıyzǵa ósip, 5,3 mlrd dollarǵa, al ımport 4,6 paıyzǵa ulǵaıyp, 11,8 mlrd dollarǵa jetti.

«EAEO elderimen ınvestıtsııalar aǵyny da ósýde. 2018 jylǵy úsh toqsandaǵy qorytyndy boıynsha EAEO elderinen ınvestıtsııalar 31 paıyzǵa, ıaǵnı 1,2 mlrd AQSh dollaryna deıin ulǵaıdy», - dedi Tımýr Súleımenov.