EAEO elderi ǵylymı dárejelerdi ózara tanýǵa kelisti

ASTANA. QazAqparat - Ortaq eńbek naryǵyn damytý jáne Eýrazııalyq ekonomıkalyq odaq aıasynda eńbekshilerdi jumysqa ornalastyrý rásimderin ońaılatý úshin EAEO-ǵa múshe memleketter ǵylymı dárejeler týraly qujattardy ózara taný týraly kelisimniń jobasyn ázirledi, dep habarlaıdy QazAqparat.

Saýda jáne ıntegratsııa mınıstrliginiń málimetinshe, kelisim ǵylymı dáreje ıegerlerine EAEO elderinde ulttyq zańnama boıynsha qujattardy taný rásimderinen ótpeýge múmkindik beredi, bul jumysqa ornalasý rásimin edáýir jeńildetedi, ýaqytsha jáne qarjylyq shyǵystardy qysqartady.

Aıta ketý kerek, kelisim sheńberinde fılosofııa doktory (PhD), beıini boıynsha doktor, ǵylym kandıdaty jáne doktory ǵylymı dárejeleri týraly qujattardy ózara taný josparlanýda.

Osylaısha, qazaqstandyq ǵylymı dáreje ıegerleri EAEO elderinde artyq bıýrokratııalyq formaldylyqsyz kásibı qyzmetti júzege asyra alady. Sondaı-aq, Qazaqstanǵa bilikti kadrlardyń kelýin yntalandyrýǵa múmkindik beredi, bul Qazaqstan Respýblıkasynyń JOO-nyń professorlyq-oqytýshylyq quramyn kúsheıtý úshin qosymsha serpin beredi.

EAEO elderi kelisimge qol qoıýdy 2023 jyldyń ekinshi toqsanyna josparlap otyr.