EAEO elderi gaz naryǵyndaǵy jaǵdaıdy talqylaýda

ASTANA. QazAqparat - Eýrazııalyq ekonomıkalyq komıssııa (EEK) «Eýrazııalyq ekonomıkalyq odaq elderi gazdyń jalpy naryǵyn qalyptastyrý baǵdarlamasy» jobasy boıynsha keńesti jalǵastyrdy. EAEO elderiniń ókiletti organdarynyń jáne munaı-gaz kompanııalarynyń ókilderi Munaı jáne gaz komıssııasy konsýltatıvtik komıtetine qarasty kásiptik jumys tobynyń toǵyzynshy otyrysynda jobanyń qujatyn qarady, dep habarlaıdy EEK baspasóz qyzmeti. 

«EAEO gazdyń jalpy naryǵyn qalyptastyrý - energetıka salasyndaǵy Keńes elderiniń ıntegratsııalyq yntymaqtastyq basymdyǵynyń biri bolyp tabylady. Naryqty bastaý úshin bizge jyldyń sońyna deıin birigip erejeler jasaý qajet: buny eýrazııalyq «bestik» elderiniń basshylary kútýde», - dep eskertti EEK Energetıka departamentiniń dırektory Leonıd Shenets.

Talqylaý nátıjesi boıynsha jumys tobynyń qatysýshylary jobadan tabıǵı gazdy saqtaý boıynsha qyzmet túrleriniń qujatyn shyǵarýǵa kelisti. Sonymen qatar taraptar gazdy tasymaldaý qyzmetiniń tarıfi barlyq qatysýshylarǵa birdeı bolatyndyǵyna ýaǵdalasty.
Qazirgi tańda gazdy jetkizý EAEO elderiniń ekijaqty kelisimi negizinde júzege asýda.