EAEO elderi arasyndaǵy ózara taýar aınalym 52 mlrd dollarǵa jetti

NUR-SULTAN. QazAqparat – 2021 jyldyń 9 aıynda Eýrazııalyq ekonomıkalyq odaq elderi arasyndaǵy taýar aınalymy 52 mlrd dollarǵa jetti. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Osy jyldyń 9 aıynda ózara taýar aınalymy 32,5 paıyzǵa artyp, 52 mlrd dollarǵa jetip otyr. Bul kovıd pandemııasyna deıingi kezeń kórsetkishinen 16,5 paıyzǵa joǵary. Odaq elderi arasyndaǵy eksport kólemi de artty. Máselen, Qazaqstan eksporty kóleminiń artýy 39 paıyzdy qurady. Odaqqa qatysýshy basqa elderdiń de eksport kólemi tsıfrmen salystyryp qaraǵanda arta túsken. Bul saýda-ekonomıkalyq yntymaqtastyqtyń qarqyndy damýyn, onyń qurylymynyń jaqsarýyn jáne tısti salalalardyń básekege qabilettiliginiń artýyn bildiredi», - dedi Qasym-Jomar Toqaev Joǵary Eýrazııalyq ekonomıkalyq keńestiń otyrysynda.

Sonymen qatar Memleket basshysy Qazaqstan Joǵary Eýrazııalyq ekonomıkalyq keńeske tóraǵalyǵyn aıaqtaıtyndyǵyn atap ótti.