EAEO elderi alkogol men temeki boıynsha mólsherlemeni jaqyndatady
Bul týraly QR Qarjy mınıstri Erulan Jamaýbaev Senattyń jalpy otyrysynda aıtty.
«Jalpy, Qazaqstannyń salyq saıasaty derbes jáne táýelsiz júzege asyrylady. Aktsız – salyqtyń janama túri, memlekettik bıýdjette onyń úlesi 5%-dan aspaıdy. EAEO aıasynda saıasatty úılestirýge kelsek, mundaı normalar kózdelgen. 2025 jylǵa qaraı biz alkogol men temeki sııaqty taýarlar boıynsha mólsherlemelerimizdi jaqyndatýymyz kerek», - dedi E. Jamaýbaev.
Onyń aıtýynsha, temeki boıynsha kelisim ratıfıkatsııalanǵan jáne 2024 jylǵa qaraı myń dana temekige aktsız teńgelik mánde 35 evroǵa deıin artady.
«Alkogol ónimderine kelsek, bizde aktsızder aıtarlyqtaı joǵary, degenmen, EAEO sheńberinde tıisti kelisim daıyndalyp jatyr jáne osy kelisim kúshine engennen keıin biz de alkogol boıynsha aktsızderimizdi birtindep jaqyndastyratyn bolamyz», - dedi E. Jamaýbaev.
Aıta keteıik, Senatta TMD elderi arasyndaǵy salyq saıasatynyń prıntsıpteri týraly kelisimniń kúshin joıý hattamasy ratıfıkatsııalandy.
Qarjy mınıstriniń aıtýynsha, TMD-ǵa qatysýshy memleketter tarapynan kelisimniń qoldanys merzimin uzartý týraly ótinim bolmaǵan jáne onyń erejeleri qazirgi ýaqyt talaptaryna sáıkes kelmeıdi.