EAEO elderi jasandy ıntellektini jaýapkershilikpen damytý týraly birlesken málimdeme qabyldady
ASTANA.KAZINFORM — Qazaqstanda ınnovatsııalyq jobalarǵa ınvestıtsııa kólemi eselep artyp keledi. Bul týraly búgin elordadaǵy Joǵary Eýrazııalyq ekonomıkalyq keńestiń otyrysynda Memleket basshysy Qasym-Jomart Toqaev málim etti.
Qazaqstan Prezıdenti Qasym-Jomart Toqaev elordada ótken Joǵary Eýrazııalyq ekonomıkalyq keńestiń otyrysy men Eýrazııalyq ekonomıkalyq forýmy myńyzdy oqıǵa ekenin, onyń nátıjesi EAEO qyzmetinde jańa múmkindikterdi ashatynyn atap ótti.
Memleket basshysynyń aıtýynsha, búgin ekonomıkalyq yntymaqtastyq týraly birlesken sheshimderge qol qoıýmen qatar, EAEO-da jasandy ıntellektini jaýapkershilikpen damytý týraly birlesken málimdeme qabyldandy. Osy arqyly EAEO damýynyń sapaly jańa kezeńine ótýi úshin ınstıtýtsıonaldyq jaǵdaı jasalyp otyr.
Budan buryn habarlanǵandaı, Astanada Joǵary Eýrazııalyq ekonomıkalyq keńestiń otyrysy bastalǵanyn jazǵan edik.
Eske salsaq, 28 mamyrda memleket basshylarynyń qatysýymen V Eýrazııalyq ekonomıkalyq forýmnyń (EEF-2026) plenarlyq otyrysy ótti.
Qazaqstan Prezılenti qazir Eýrazııalyq ekonomıkalyq odaǵynyń áleýetin odan ári arttyryp, qarqyndy damytý jóninde strategııalyq mańyzdy mindeti turǵanyn aıtty.
