EAEO elderi ónerkásiptik kooperatsııany yntalandyrýdy qolǵa alady
ASTANA. KAZINFORM – EÚAK otyrysynda qatysýshylar kedendik jáne kólik yntymaqtastyǵy, ónerkásiptik ózara is-qımyl jáne basqa da 25-ten astam mańyzdy máseleni qarastyrdy. Bul týraly Ukimettiń baspasóz qyzmeti málim etti.
Mońǵolııamen erkin saýda aımaqtary týraly kelisimder boıynsha kelissózder aıaqtaldy, BAÁ-men kelissózder sońǵy satyda tur. QR saýda jáne ıntegratsııa vıtse-mınıstri Janel Kýshýkova bul kelisimder naryqtardy keńeıtip qana qoımaı, elder arasyndaǵy óndiristik baılanystardy nyǵaıtýǵa da yqpal etetinin atap ótti. Eýrazııalyq qaıta saqtandyrý kompanııasynyń esebi tyńdaldy. Ol eksporttyq nesıelerdi saqtandyryp, birlesken óndiristiń táýekelderin qorǵaıtyn bolady.
«Bul eksporttyq nesıelerdi saqtandyrý quraly, bizdiń taýarlarymyzdy úshinshi elderge shyǵarýǵa baǵyttalǵan. Birlesip óndirilgen ónimderdiń táýekelderi saqtandyrylady. Osylaısha, biz ónerkásiptik kooperatsııany yntalandyramyz, bul týraly Memleket basshysy birneshe ret aıtqan bolatyn. Sondaı-aq 2030 jylǵa deıin ónerkásiptik yntymaqtastyqty damytý jáne kólik saıasaty boıynsha strategııalyq qujattar qabyldandy», - dep málimdedi QR saýda jáne ıntegratsııa vıtse-mınıstri Janel Kýshýkova.
Eske sala keteıik, buǵan deıin Úkimet basshysy Oljas Bektenov Erevandaǵy Eýrazııalyq úkimetaralyq keńes otyrysyna qatysqanyn jazǵan bolatynbyz.
