EAEO elderi aýyr júk kólikteriniń jol júrýin jeńildetedi

ASTANA. KAZINFORM — Eýrazııalyq ekonomıkalyq odaqqa múshe memleketter eýrazııalyqkólik dálizderi men baǵyttary tizbesine engizilgen avtomobıl joldary boıynsha halyqaralyq avtomobıl tasymaldaryn júzege asyrý kezinde aýyr salmaqty jáne irigabarıtti kólikterdiń júrýine arnaıy ruqsattardy tirkeý jáne berý tártibinjeńildetý boıynsha birlesken jumysty bastady. 

Eske salaıyq, 2024 jyly 29 jeltoqsanda Eýrazııalyq ekonomıkalyq komıssııa Alqasynyń otyrysynda Eýrazııa kólik dálizderi boıynsha aýyr salmaqty jáne iri 
gabarıtti kólikterdiń júrýine arnaıy ruqsattardy tirkeý jáne berý rásimderin úılestirý jónindegi is-sharalar jospary bekitilgen (EEK Alqasynyń 2024 jylǵy 23 jeltoqsandaǵy № 214 buıryǵy).

Qabyldanǵan jospar 5 negizgi baǵytty júzege asyrýdy kózdeıdi:

— arnaıy ruqsattardy berýdiń múmkin bolatyn eń joǵary kelisilgen merziminanyqtaý;
— aldyn ala ótinish (josparlanǵan sapardyń bastalýkúnine deıin) berýdiń múmkin bolatyn eń joǵary kelisilgen merzimin anyqtaý;
— arnaıy ruqsattyń qoldanylý merzimin anyqtaý;
— úlgi ótinish formasyn anyqtaý;
— arnaıy ruqsat alý úshin usynylatyn málimetter men qujattardyń eń az tizbesine qoıylatyn talaptardyń jaqyndasýy.

— Atalǵan is-sharalardy júzege asyrý arnaıy ruqsattardy alýúderisin jeńildetý jáne jedeldetý, ony ashyq, boljamdy jáne halyqaralyq
tasymaldaýǵa qatysýshylar úshin yńǵaıly etýge baǵyttalǵan.

Osylaısha, tirkeýdiń naqty merzimderin belgileý EAEO elderiniń tasymaldaýshylaryna baǵyttardy aldyn ala josparlaýǵa múmkindik beredi jáne uzaq kútpeıdi. Mindetti aqparattyń eń az kólemimen ótinishtiń jeńildetilgen formaty ákimshilik júktemeni azaıtady jáne qujattardy jedel tapsyrýǵa yqpal etedi, — delingen Saýda jáne ıntegratsııa mınıstrliginiń baspasóz qyzmeti habarlamasynda.

Mysaly, búgingi tańda taraptar arnaıy ruqsattardy berýdiń kelesi merzimderi týraly kelisti:

— marshrýtty kelisý qajettiligi bolmasa — jumys ýaqytynyń 24 saǵaty ishinde;
— marshrýtty kelisý qajet bolǵan jaǵdaıda — 10 jumys kúni ishinde;
— tótenshe jaǵdaıda — 3 saǵat ishinde.

Arnaıy ruqsattyń qoldanylý merzimi 135 kúntizbelik kúnnen aspaıdy. Osy baǵyttaǵy jumys jalǵasýda jáne onyń nátıjeleri boıynsha EEK Alqasynyń tıisti usynymdary qabyldanady.

Tutastaı alǵanda, qabyldanǵan sheshimder bıznesti qoldaýǵa, halyqaralyq tasymaldaý protsedýralaryn jeńildetýge jáne EAEO elderi arasyndaǵy
ekonomıkalyq baılanystardy nyǵaıtýǵa múmkindik beretin EAEO-nyń biryńǵaı kólik keńistigin qalyptastyrý jolyndaǵy taǵy bir qadamy. 

Aıta ketelik EAEO jalpy ishki ónimi 10 jylda 2,5 trıllıon dollardan asty.