EAEO dári-dármekterdi ulttyq qaǵıdalar boıynsha tirkeýdi 2027 jyldyń sońyna deıin uzartty
ASTANA. KAZINFORM – Eýrazııalyq ekonomıkalyq komıssııa keńesi dárilik zattardy ulttyq zańnama boıynsha tirkeý múmkindigin 2027 jylǵy 31 jeltoqsanǵa deıin uzartý týraly sheshim qabyldady. Bul týraly DSM baspasóz qyzmeti habarlady.
— EAEO elderindegi, onyń ishinde Qazaqstandaǵy farmatsevtıkalyq kompanııalar jańa preparattardy burynǵy qaǵıdalar boıynsha tirkeýdi EAEO-nyń biryńǵaı talaptaryna kóshpeı-aq taǵy shamamen úsh jylǵa deıin jalǵastyra alady, — delingen mınıstrlik habarlamasynda.
Bul sheshim buryn tirkelgen dárilik zattarǵa engiziletin ózgeristerge de qatysty: olar da burynǵy tártippen engizile beredi. Bul densaýlyq saqtaý júıesinde dári-dármek tapshylyǵy, jetkizilimniń úzilýi sııaqty qaýipterdiń aldyn alý úshin qajet.
— Merzimdi uzartý halyqty qajetti preparattarmen turaqty qamtamasyz etýge múmkindik beredi, — delingen habarlamada.
Ózgerister 2022 jylǵy 10 maýsymdaǵy EEK Keńesiniń № 96 sheshimine engizildi. Sheshim 24 mamyrda kúshine enedi jáne 2025 jylǵy 1 qańtardan bastap týyndaǵan quqyqtyq qatynastarǵa qoldanylady.
Aıta ketelik MÁMS júıesine ózgeris engizilgeni týraly jazǵan edik.