EAEO-da tutyný baǵasynyń ósimi tórt aıdyń ishinde 9,2%-dy qurady – EEK

MÁSKEÝ. QazAqparat – Eýrazııalyq ekonomıkalyq odaq (EAEO) elderinde 2022 jylǵy naýryzda taýarlar men qyzmetterdiń tutynýshylyq baǵalary 2021 jylǵy jeltoqsanmen salystyrǵanda 9 paıyzǵa derlik ósti. Bul týraly búgin ótken brıfıngide Eýrazııalyq ekonomıkalyq komıssııanyń resmı ókili Iıa Malkına málim etti, dep habarlaıdy QazAqparat menshikti tilshisi.

«EAEO-da taýarlar men qyzmetterdiń tutynýshylyq baǵalary 2022 jylǵy naýryzda aqpanmen salystyrǵanda 6,9 paıyzǵa jáne ótken jyldyń jeltoqsanymen salystyrǵanda 9,2 paıyzǵa ósti», - dedi I.Malkına.

Onyń aıtýynsha, baǵanyń aıtarlyqtaı ósýi azyq-túliktik emes taýarlarda – 11,5%-ǵa derlik, al azyq-túlik taýarlarynda – 9,5%-ǵa baıqaldy. Osy kezeńde aqyly qyzmet kórsetý baǵasy 5,6%-ǵa ósken.

2022 jylǵy naýryzda 2021 jylǵy jeltoqsanmen salystyrǵanda EAEO-ǵa qaraǵanda baǵanyń ósýi Reseıde - azyq-túlik jáne azyq-túliktik emes taýarlarda, tıisinshe 10 jáne 12,9% -ǵa, sondaı-aq Belarýste - aqyly qyzmetterde 8,9% -ǵa tirkeldi.

Osy kezeńde Qazaqstanda azyq-túlik taýarlary baǵasynyń ósimi 8,2%-dy qurady. Azyq-túliktik emes taýarlar baǵasy– 3,6%-ǵa, aqyly qyzmetter baǵasy – 2,6%-ǵa artqan.