EAEO-da ortaq energetıkalyq naryqty qurý xattamasy rásimdeledi - Qanat Bozymbaev
«Eýrazııalyq ekonomıkalyq odaqta ortaq energetıkalyq naryqty qurý aıasynda aǵymdaǵy jyly mamyrdyń aıaǵyna deıin odaqqa múshe elder arnaıy xattamany rásimdeıdi. Atalǵan shara EAEO týraly kelisimsharttyń bes jyldyǵyna arnalady. Jalpy, ortaq energetıkalyq naryqty qurý sharalary kezeń-kezeńimen atqarylady. Normatıvtik baza áli pysyqtalyp jatyr. Negizi, osy saladaǵy áriptestik teń dárejede júrgiziledi jáne eshkimge ekonomıkalyq zalal kelmeıdi», - dedi Q.Bozymbaev azamattyq qoǵam ókilderimen bolǵan kezdesýde.
Mınıstrdiń aıtýynsha, mamyr aıynda rásimdeletin xattamada ortaq naryqty qurý kezeńderi kórsetiledi.
«Hattama naryqty qurý kezeńderin retteıtin bolady. Negizi, atalǵan qujattyń keıbir tarmaqtary boıynsha áli kúnge deıin qyzý talqylaý júrip jatyr. Máselen, Qazaqstan men Reseıdiń arasynda birqatar máseleler boldy. Degenmen, biz onyń bárin rettep aldyq. Sosyn eksport jáne ımportpen aınalysatyn arnaıy uıymdy qurýǵa qatysty mańyzdy bir másele boldy. Qazaqstanda kez kelgen kompanııa ruqsat alyp, energııany eksportqa shyǵara alady, ımport jasaýǵa da bolady. Al Reseıde ondaı jumyspen arnaıy uıymdar aınalysady. Osynyń úlgisinde árbir memlekette arnaıy uıymdy qurý máselesi kóterilgen bolatyn. Biraq biz óz pozıtsııamyzdy qorǵap qaldyq. Eksport pen ımportty monopolızatsııalaýdyń qajeti joq dep sanaımyz», - deıdi Q.Bozymbaev.
