EAEO-da esepte turǵan kólikter Nur-Sultandaǵy avtoHQO-ǵa tirkelýde
NUR-SULTAN. QazInform – Nur-Sultanda EAEO-da turaqty tirkelgen avtomobılderdi tirkeý aktsııasy bastaldy, dep habarlaıdy QazAqparat tilshisi.
«Búgin, 1 aqpannan bastap Prezıdent Qasym-Jomart Toqaevtyń kólik quraldaryn tirkeý, tehnıkalyq pasporttar men memlekettik nómirlerdi sary tústi fondy, 18-aımaqtaǵy memlekettik nómirge aýystyrý jónindegi tapsyrmasyn iske asyrý bastaldy. Aktsııa bastaldy, endi adamdarǵa tehpasportty ózgertip, ýaqytsha tirkeý úshin ne isteý kerek ekenin túsindirýdemiz.
Armenııada turaqty tirkeýde turǵan kólikterdiń qazaqstandyq ıeleri (jáne EAEO quramyndaǵy basqa da memleketterde turaqty tirkeýde turǵan) tehnıkalyq pasporttaryn arnaıy HQKO-ǵa aparyp, kóligin kórsetýi kerek. Tıisinshe, olar memlekettik nómir men tirkeý kýáligi úshin aqy tóleýi kerek. Odan keıin memlekettik nómir men tehnıkalyq pasportyn alady. Bul jerde memlekettik kirister departamentiniń qyzmetkerleri salyq tólengen-tólenbegenin tekserip, kólikti alǵashqy tirkegeni úshin alym talap etedi», – deıdi elordalyq mamandandyrylǵan avtokólik ıelerine arnalǵan ortalyqtaǵy qyzmetkerlerdiń jumysy týraly aıtqan E. Shúpekov.
Onyń aıtýynsha, avtokólikterge fony sary tústi memlekettik nómirler daıyndalyp qoıǵan. Nur-Sultan qalasynda EAEO elderinde tirkelgen 2,5 myń kólik bar.
Sondaı-aq, Basqarma basshysy sheteldik nómirli kóligi bar adamdardyń kóńili tolmaýyna durys aqparattanbaǵandary sebepshi bolǵan.
«Bul azamattar, mysaly, Armenııada satyp alynǵan avtokólikterge kedendik rásimdeýdi sol memlekette óz azamattary úshin belgilengen jeńildiktermen júrgizdi jáne olardy ýaqytsha tirkeý ornyna esepke qoıǵan nemese tirkegen. Odan keıin ol kólikterdi Qazaqstanǵa alyp kelgen. Endi olar, Úkimettiń qaýlysyna sáıkes, ýaqytsha tirkeýge alǵashqy jarnany 1,365 mıllıon teńge kóleminde tóleýi kerek», - deıdi ol.
Aktsııa 1-29 aqpan aralyǵynda bolady.
Eske sala ketsek , buǵan deıin sheteldik kólikti Qazaqstanǵa qalaı tirkeýge bolatyny týraly jazǵan bolatynbyz.
