EAEO-da elektrotehnıka quraldarynda zııandy metaldardy paıdalanýǵa tyıym salynady
ASTANA. QazAqparat - 2018 jylǵy 1 naýryzda «Elektrotehnıka jáne radıoelektronıka buıymdarynda qaýipti zattardy paıdalanýdy shekteý týraly» EAEO tehnıkalyq reglamenti kúshine endi. Bul týraly QR Investıtsııalar jáne damý mınıstrliginiń Feısbýktegi rasmı paraqshasynda habarlandy.
Vedomstvo taratqan mállimetke saı, buryn EAEO elderinde turmystyq tehnıkadaǵy zııandy zattardyń qoldanylýyn anyq shekteıtin normatıvtik aktiler bolmaǵan.
«EAEO aýmaǵynda tehnıkalyq reglament kúshine engennen bastap keń taralǵan turmystyq quraldarda kompıýterler, teledıdarlar, tońazytqyshtar, uıaly telefondar jáne t.b. qorǵasyn, synap jáne basqa da adam densaýlyǵy men ekologııaǵa zııandy metaldardy paıdalanýǵa tyıym salynady nemese shekteledi» delingen habarlamada.
