EAEO-da bızneske kedergilerdi joıý boıynsha jumys tobyn qurý usynyldy

NUR-SULTAN. QazAqparat – Eýrazııalyq ekonomıkalyq odaq (EAEO) aıasynda bıznes tap bolǵan kedergilerdi jedel joıý boıynsha jumys tobyn qurý kerek. Bul týraly elordada Qazaqstannyń bıznes-qoǵamdastyǵymen dıalog alańy aıasynda ótken kezdesýde «Atameken» QR UKP basqarma tóraǵasynyń orynbasary Evgenıı Bolgert málim etti, dep habarlaıdy QazAqparat tilshisi.

«Naryqtaǵy (EAEO aıasynda) kedergilerge áreket etý boıynsha jedel jumys tobyn qurý bastamasymen shyqqymyz keledi. Qazirgi kezde bizde UKP atynan tek konsýltatsııalarǵa bastamashylyq etý úshin komıssııaǵa júginý múmkindigi bar. Sochıde Elbasy Joǵarǵy Keńestiń otyrysynda kedergilerdi joıý boıynsha besjaqty jumys tobyn qurýdy usyndy. Biz osy máselege qaıta oralǵymyz keledi. ıAǵnı, kedergilerdi sheshý úshin aıtarlyqtaı jedel formatty tapqan jón. Óıtkeni qoldanystaǵy júıe osy kúrdeli jaǵdaıdy jyldamdatyp sheshýge yqpal ete almaı otyr», - dedi Evgenıı Bolgert.

Budan buryn habarlanǵandaı, Eýrazııalyq ekonomıkalyq komıssııanyń básekelestik boıynsha Alqa múshesi (mınıstri) Serik Jumanǵarın EAEO aıasynda saýda erejelerin buzǵandar týraly aıtyp berdi.

Sonymen qatar ol kásipkerler úshin biraz kedergiler bar ekenin jáne olardyń jartysy zańdy bolsa, jartysy zańsyz ekenin atap ótti.

«Zańsyz kedergilermen qalaı kúresýge bolady? Bul turǵyda aryz jazý kerek. Osy oraıda bul shaǵymdar qaralyp, komıssııaǵa shyǵarylady. Kedergi jasap otyrǵan memleketke qatysty sheshim qabyldanady. Bul sheshimdi olar úsh aıdyń ishinde oryndaýy tıis. Al oryndamasa, keńestiń qaraýyna usynamyz, másele joǵary deńgeıde talqylanady», - dedi S. Jumanǵarın.

Sonymen qatar, «Atameken» QR UKP basqarma tóraǵasynyń orynbasary Evgenıı Bolgert Belarýs pen Reseıden elimizge taýarlar ımporty artqanyn aıtty.