EAEO-da azamattardyń jumysqa ornalasýyn qamtamasyz etý úshin tsıfrlyq ekojúıe qurylady
Eýrazııalyq ekonomıkalyq komıssııa keńesiniń músheleri eýrazııalyq ekonomıkalyq ıntegratsııanyń damý keleshegin, onyń ishinde ultústilik kásiporyndar qurý, tsıfrlyq jobalardy júzege asyrý tártibi jáne ózge de máselelerdi talqyǵa saldy. Komıssııa keńesi Eýrazııalyq ekonomıkalyq odaq elderi azamattarynyń jumysqa ornalasýy men jumyspen qamtylýyn qamtamasyz etý úshin tsıfrlyq ekojúıe modelin ázirleý jónindegi bastamany odan ary tyńǵylyqty qarastyra túsý, sonymen birge bul taqyrypta zertteýler júrgizýdi maquldady. Eýrazııalyq elektrondy eńbek bırjasyn qurý jónindegi bastamany Qazaqstan Respýblıkasynyń Eńbek jáne halyqty áleýmettik qorǵaý mınıstrligi usynǵan bolatyn.
"Elektrondy eńbek bırjasy bir jaǵynan jumys berýshige, ekinshi jaǵynan jumys izdep júrgen jeke tulǵalarǵa atalǵan alańda ózine saı keletin jumys ornyn taýyp, kelisimshart jasasýynamúmkinshilik beredi. Bul tuǵyrnama qurylýy tıis jáne elektrondy zańdy kelisimsharttardyń qalaı jasalatyndyǵy jónindegi tetikteri ázirlenýi qajet", - dep atap ótti EEK alqasynyń tóraǵasy Tıgran Sarkısıan.
Sonymen qatar EEK keńesi tarapynan "Energetıka jáne elektrlendirý" 15-shi Eýrazııalyq tehnologııalyq tuǵyrnamasy quryldy. Oǵan Belarýs, Qazaqstan, Qyrǵyzstan jáne Reseı Federatsııasynyń 9 kásipornymen ǵylymı ınstıtýty quryltaıshy bolyp otyr.
Jańadan qurylǵan Eýrazııalyq tehnologııalyq tuǵyrnama qyzmetiniń negizgi baǵyty mynalar: energetıkalyq mashına jasaý, elektrlendirý, sondaı-aq "aqyldy" elektr jelilerin qurý jáne taratý. Shalǵaıdaǵy tutynýshylardy elektr energııasymen jabdyqtaý úshin jańartylatyn energııa kózderin damytý jáne paıdalaný josparlanǵan.
Aıta keterligi, qazirgi ýaqytta ǵaryshtyq tehnologııa, bıologııa, medıtsına, fotonıka, ekologııa, tamaq jáne qaıta óńdeý ónerkásibi salalarynda 14 Eýrazııalyq ekonomıkalyq tuǵyrnama iske qosylǵan. Komısssııa basymdyqqa ıe eýrazııalyq tuǵyrnamalardy qurýǵa baǵyttalǵan jumysyn jalǵastyrýdy josparlap otyr.
Avtory: Medet Ahmetov
