EAEO-da áýe saparlarynyń tarıfteri teńestiriledi
"Biryńǵaı kólik keńistigin qurý turǵysynda áýe kóligi salasynda "Jol kartasy" qabyldanady. Bul óz kezeginde áýe saparlary men áýejaılarda tarıfterdi teńestirýge múmkindik beredi", - dedi D. Medvedev.
Budan bólek ol EAEO men ózge de ıntegratsııalyq birlestikterdiń, onyń ishinde TMD aıasyndaǵy yntymaqtastyq máselelerine toqtaldy.
"EAEO sharalaryna TMD ókilderin shaqyrtylýy mańyzdy. Osy oraıda saýda-sattyq kelissózderin belsendi júrgize otyryp, seriktestik baılanystardy nyǵaıtý jumystaryn jalǵastyrǵan jón", - dedi ol.
Sonymen qatar RF Úkimetiniń tóraǵasy aldaǵy jyly Reseı tarapy EAEO-da tóraǵalyq qyzmetin ózine alatynyn eske salyp ótti. Búginde tóraǵalyqtyń basym baǵyttary aıqyndalýda.
"Sońǵy eki jylda normatıvtik-quqyqtyq salada eleýli jumystar iske asyryldy. Tóraǵalyq aıasynda aǵymdaǵy taqyryptarǵa, sondaı-aq bolashaqqa negizdelgen strategııalyq máselelerge nazar aýdaratyn bolamyz. Bul rette eksport pen ınvestıtsııalyq klımatty qoldaý, eńbek standarttary, seriktestermen ózara is-qımyldy kúsheıtý baǵyttaryna erekshe mán beriledi", - dep túıindedi sózin D. Medvedev.