EAEO-da 11 aqpannan bastap júkter navıgatsııalyq plombalar arqyly qadaǵalanady
ASTANA. KAZINFORM — Osy jylǵy 11 aqpannan bastap Eýrazııalyq ekonomıkalyq odaqtyń (EAEO) aýmaǵynda navıgatsııalyq plombalardy qoldaný arqyly taýarlardy qadaǵalaý júıesi kúshine enedi.
Tıisti sheshimdi Eýrazııalyq ekonomıkalyq komıssııa Alqasy ótken jylǵy 23 qyrkúıekte (№ 84) 2022 jylǵy 19 sáýirdegi navıgatsııalyq plombalardy qoldaný týraly kelisim aıasynda qabyldady.
Qadaǵalaý júıesi kezeń-kezeńimen engiziledi jáne avtomobıl, temirjol kóligimen tasymaldanatyn júkterge qatysty bolady. Ol kedendik tranzıt pen eksport rásimderin júrgizý kezinde, sondaı-aq Odaqqa múshe memleketter arasyndaǵy ózara saýda sheńberinde qoldanylmaq.
Bıznes ókilderin, sonyń ishinde tasymaldaýshylardy, ekspedıtorlardy jáne logıstıkalyq úderisterge qatysatyn barlyq taraptardy tasymaldyń úzdiksizdigin qamtamasyz etý jáne jetkizý merzimderin saqtaý úshin EAEO men Qazaqstan Respýblıkasynyń zańnamasy talaptaryn saqtaýǵa shaqyrady.
Eske sala ketsek, EAEO-nyń aýmaǵynan áketiletin taýarlardyń shyǵarylǵan jerin aıqyndaý tetigi aıqyndalǵanyn jazdyq.
Al byltyr jeltoqsanda Qasym-Jomart Toqaev EAEO álemdegi mańyzdy kólik-logıstıka toraby bola alatynyn aıtty.