EAEO boıynsha et baǵasynyń eń joǵarǵy ósimi Qazaqstanda tirkeldi
Salystyrmaly túrde qarasaq, qańtar-maýsym aılarynda Armenııadaǵy et baǵasy 3,7%, Qyrǵyzstanda 3,2%, Reseıde nebári 0,1%-ǵa artqan. Al, Belarýste bıylǵy jyly kerisinshe et baǵasy 2 paıyzǵa arzandady. Qazaqstan et baǵasynyń qymbattaýy boıynsha atalǵan reıtıngte ekinshi jyl qatarynan kósh bastap tur.
2017 jyldyń birinshi jartysynda qazaqstandyq salalyq kásiporyndar 450,3 myń tonna et óndirdi. Sonyń ózinde ishki naryqtaǵy et satylymy birden 32,7 myń tonnaǵa (+6,8%) kóterilip, bıylǵy jyldyń alty aıynda 510,5 myń tonnany qurady.
Mundaı suranysty óteý úshin ımporttaýshylardyń et jetkizilimin 15,3%, ıaǵnı 63,9 myń tonnaǵa deıin arttyryp, basqa elderge eksporttaýdy 36,6%, sáıkesinshe 3,6 myń tonnaǵa deıin qysqartýyna týra keldi.
Tamyz aıynyń qorytyndysy boıynsha Qazaqstandaǵy et baǵasynyń eń joǵarǵy kórsetkishi Astanada tirkelgen. Elordada sıyr etiniń kelisi 1 641 teńge, bul respýblıka boıynsha orta eseptik baǵadan 17,2 paıyzǵa qymbat. Sonymen qatar, Astanada qoı eti ( kelisine 1 750 teńge, ortasha respýblıkalyq deńgeıden 26,3% joǵary) jáne jylqy eti (1 785 teńge, ortasha respýblıkalyq deńgeıden 14,9% joǵary) qymbat.
