EAEO aıasyndaǵy kedergilerdiń 80 paıyzy joıyldy - QR Prezıdenti

NUR-SULTAN. QazAqparat – Eýrazııalyq ekonomıkalyq odaq aıasyndaǵy kedergilerdiń 80 paıyzy joıyldy. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Integratsııalyq protsesterdi tereńdetýdiń mańyzdy máseleleriniń biri – kedergilerdi, shekteýler men alymdardy kezeń-kezeńimen joıý. Bul turǵyda oń ilgerileýshilik bar. 2016 jyldan beri Eýrazııalyq ekonomıkalyq odaqtyń ishki naryǵynda bolǵan 68 kederginiń 54-i nemese 80 paıyzy joıyldy. Osy jyldyń aqpanynda áriptester mańyzdy qujattardyń birin – kedergilerdi jikteý ádistemesin bekitti. Endigi ýaqytta kedergilerdi jikteý protsesin qaraý bıneske túsinikti nysanda reglamenttelgen. Eń bastysy - kóńilge qonymdy ýaqytta»,- dedi QR Prezıdenti Joǵary Eýrazııalyq ekonomıkalyq keńestiń otyrysynda.

Qasym-Jomart Toqaev osymen toqtap qalmaı aldaǵy ýaqytta da kedergilerdi joıýǵa baǵyttalǵan jumysty júrgizý mańyzdylyǵyn atap ótti.