EAEO aıasynda Qazaqstan jańa eksporttyq baǵyttardy ashty – «Atameken» UKP
Bul týraly elordada Qazaqstannyń bıznes-qoǵamdastyǵymen dıalog alańy aıasynda ótken kezdesýde «Atameken» QR UKP basqarma tóraǵasynyń orynbasary Evgenıı Bolgert málim etti, dep habarlaıdy QazAqparat tilshisi.
«Ońtaıly qadamdarǵa (EAEO aıasynda) toqtalsaq, perspektıvaly sharalar boıynsha bizge qosymsha múmkindik beriledi. ıAǵnı Vetnammen, Iranmen jáne ózge de eldermen erkin saýda aımaqtary týraly birlesken shartty bekitýde tıimdilik bar. Bizde múldem eksport bolmaǵan baǵyttarda jańa naryqtar ashylýda», - dedi E. Bolgert.
Alaıda sarapshy saýda máselelerinde teńgerim boıynsha el múddesine barynsha nazar aýdarý kerektigin atap ótti.
«Osy sharttardy bekitý kezinde teńgerimge tyńǵylyqty qaraý kerek, sebebi ónimniń birqatar tizbegi boıynsha ózimizdiń ustanymdar turǵysynda tabandylyq tanytqan jón. Bul rette bizdiń óndirýshiler ózderiniń alańdaýshylyǵyn bildirýde. Bizdiń seriktesterdiń ónimderi naryqqa kedergisiz kirýiniń saldarynan ishki naryqta básekelestikke túsýde qıyndyqtar bolady, degen qaýip bar»,- dedi Evgenıı Bolgert.
Budan buryn habarlanǵandaı, Eýrazııalyq ekonomıkalyq komıssııanyń básekelestik boıynsha Alqa múshesi (mınıstri) Serik Jumanǵarın EAEO aıasynda saýda erejelerin buzǵandar týraly aıtyp berdi.
Sonymen qatar ol kásipkerler úshin biraz kedergiler bar ekenin jáne olardyń jartysy zańdy bolsa, jartysy zańsyz ekenin atap ótti.
«Zańsyz kedergilermen qalaı kúresýge bolady? Bul turǵyda quzyrly organǵa shaǵym túsirip, ol shaǵymdar komıssııaǵa shyǵarylady. Kedergi jasap otyrǵan memleketke qatysty sheshim qabyldanady. Bul sheshimdi olar úsh aıdyń ishinde oryndaýy tıis. Al oryndamasa, keńestiń qaraýyna usynamyz, másele joǵary deńgeıde talqylanady», - dedi S. Jumanǵarın.
Sonymen qatar, «Atameken» QR UKP basqarma tóraǵasynyń orynbasary Evgenıı Bolgert Belarýs pen Reseıden elimizge taýarlar ımporty artqanyn aıtty.
