EAEO aýyl sharýashylyǵyn damytýdyń biryńǵaı strategııasyn aıqyndady

ASTANA. QazAqparat - Eýrazııalyq ekonomıkalyq odaq elderi (EAEO) Eýrazııalyq ekonomıkalyq komıssııamen (EEK) birlese otyryp, aýyl sharýashylyǵyn damytýdyń biryńǵaı strategııasyn anyqtady, dep habarlaıdy QazAqparat EEK-niń baspasóz qyzmetine silteme jasap.

«Atalǵan qujatta azyq-túlik qaýipsizdigin odan ári nyǵaıtýdy esepke ala otyryp, ınnovatsııalyq tásilderdi engizý men ortasha merzimdi bolashaqta ımportty tolyqtaı almastyrý, joǵary tehnologııaly ónimderdi shyǵarý jáne eksport kólemin ulǵaıtý syndy máseleler qamtylǵan», - dedi Peterbýrgte ótken halyqaralyq ekonomıkalyq forýmda EEK Alqasynyń múshesi (mınıstr) Sergeı Sıdorskıı.

EEK Alqasynyń múshesiniń (mınıstr) pikirine qaraǵanda, agroónerkásiptik keshendi ınnovatsııalyq damytý taqyryby EAEO elderi úshin ózekti bolyp tabylady.

«Bul  qazirgi tańda odaqqa múshe elderdiń joǵary tehnologııalyq óndirý quraldaryn, uryqtardy, azyqtardy, genetıkalyq materıaldardy ımporttaýǵa táýeldi bolyp otyrǵandyǵymen baılanysty. Bizdiń pikirimizshe, bul jaǵdaıdy aldaǵy bes jylda túbegeıli ózgertýge bolady», - dep atap ótti S. Sıdorskıı.