EAEO aýmaǵynda mobıldi roýmıng alynyp tastalady

MÁSKEÝ. QazAqparat – Eýrazııalyq ekonomıkalyq komıssııa 2024 jyldyń sońyna deıin EAEO elderinde mobıldi roýmıngti alyp tastaý úshin barlyq kedergilerdi joıýdy josparlap otyr, dep habarlaıdy QazAqparattyń menshikti tilshisi.

EEK básekelestik jáne monopolııaǵa qarsy retteý jónindegi alqa múshesi Baqyt Sultanov II Eýrazııalyq ekonomıkalyq forýmǵa qatysýshylardyń basty nazary tsıfrlyq naryqtar mysalynda monopolııaǵa qarsy retteý máselelerine aýdarylǵanyn aıtty.

«EAEO týraly shart sheńberinde bizdiń naryqtardaǵy, ásirese transshekaralyq naryqtardaǵy básekelestik jaǵdaılaryn saqtaý basty baǵyt bolyp kórsetilgen. Bizdiń ekonomıkalarymyzdyń ózara yqpaly neǵurlym kóp bolsa, ulttyq deńgeıden de joǵary retteý jáne EEK-tiń ulttyq monopolııaǵa qarsy organmen ózara is-qımyly soǵurlym tez damýy tıis», - dep atap ótti Baqyt Sultanov.

EEK monopolııaǵa qarsy retteý departamentiniń dırektory Alekseı Sýshkevıchtiń aıtýynsha, negizgi mindet – ekonomıkalyq ózara is-qımyl úshin mańyzdy bolmaıtyn memleketter arasyndaǵy shekaralar jalpy naryqty segmentatsııalaýǵa jáne onyń is júzinde ydyraýyna múddeli bolýy múmkin naryqtyń iri oıynshylarynyń jeke kúsh-jigerimen qalpyna keltirilmeýi.

Ol 2023 jyldyń sáýirinde Reseı men Belarýs arasyndaǵy roýmıngte kóterilgen tólemderdiń kúshin joıý tabysty ótkenine toqtaldy.

«Biz bul ekijaqty tájirıbeni zerttedik jáne ony keńirek qoldanýǵa bolady», - dedi ol.

Alekseı Sýshkevıch roýmıngtiń kúshin joıý boıynsha statıstıkalyq derekterdi shyǵarý halyqaralyq tarıfter qunyn el deńgeıine deıin, ıaǵnı 5-10 ese tómendetýdi kórsetti dep túsindirdi. Alaıda, uıaly baılanys operatorlarynyń tabysy áńgimeler sanynyń artýynan jáne ınternet-trafık kóleminiń ulǵaıýy esebinen ótelgen.

«Biz roýmıngtegi tarıfterdi búkil Eýrazııalyq ekonomıkalyq odaq aýmaǵyndaǵy el ishindegi tarıfterge jaqyndatý 5-10 ese ósýge, dybystyq jáne ınternet-trafıktiń ósýine ákeledi dep boljap otyrmyz. Sondyqtan, kiristiń azaıýy týraly áńgime shyndyqqa janaspaıdy. Azdaǵan tehnıkalyq problemalar qalyp otyr, olardy sheshý úshin komıssııa 2025 jyldyń 1 qańtaryna deıin jospardy bekitti», - dep qorytyndylady EEK departamentiniń dırektory.

Aıta keteıik, 24-25 mamyr kúnderi Máskeýde II Eýrazııalyq ekonomıkalyq forým ótti. Bul shara EAEO-ǵa múshe memleketter kóshbasshylarynyń qatysýymen Joǵary Eýrazııalyq ekonomıkalyq keńestiń otyrysyna oraılastyryldy.