EAEO aýmaǵyna ortaq valıýta engizý máselesi kún tártibinde joq – Baqytjan Saǵyntaev
«Bul bizdegi odaq kelisimshartynan shyǵyp otyr. Ol kelisimshartqa sáıkes, 2025 jylǵa qaraı biz EAEO elderine ortaq, biryńǵaı qarjy naryǵyn qalyptastyrýymyz kerek. Osynyń aıasynda qarjyly salasynyń zańnamasyn úndestirý týraly kelisim qabyldanýy kerek. Qarjy salasy degende bankter, baǵalyq qaǵazdar, saqtandyrý naryǵy ekenin bilesiz», - dedi Baqytjan Saǵyntaev Eýrazııalyq úkimetaralyq komıssııanyń Almatyda ótip jatqan keńeıtilgen otyrysynyń kýlýarynda.
Onyń aıtýynsha, odaqqa múshe elderdiń qarjy salasyn retteýshi organdary arasynda da, Eýrazııalyq ekonomıkalyq komıssııa aıasynda osy baǵyttaǵy jumystar jalǵasyp jatyr.
«Onyń ústine ortaq qarjy naryǵyn qalyptastyrý týraly 2019 jyly qabyldanǵan tujyrymdama bar. Bul qujat boıynsha da jumys júrip jatyr. Kelisimshart boıynsha 2025 jylǵa qaraı úkimetter ústinen qaraıtyn qarjy retteýshi organ qurylýy kerek. Onyń bazasy Almatyda bolatyny aıtylǵan. Qazir EAEO qarjy retteýshileri komıssııamen birge osy baǵytta jumys istep jatyr. Bul jerde ortaq valıýta engizý máselesi týyndaı ma? Joq, árıne. Bizdiń bazalyq qujattardyń bárinde – kelisimshartta da, tujyrymdamada da, basqa quajttarda da ol týraly eshteńe aıtylmaıdy. Tek zańnamany úndesttirý týraly ǵana aıtylǵan. ıAǵnı, búginde komıssııa aıasynda da, esh jerdiń kún tártibinde ortaq valıýta engizý týraly másele qoıylyp otyrǵan joq», - dedi ol.
