EAEO aýmaǵynda taýar tranzıtin navıgatsııalyq plomba arqyly baqylaýǵa arnalǵan zań qabyldandy

Zańdy tanystyrǵan Qarjy mınıstriniń orynbasary Erjan Birjanov bul qujat Qazaqstannyń tranzıt áleýetin arttyryp, salaǵa tártip ornatatynyn aıtady.

- Eýrazııalyq ekonomıkalyq odaqqa múshe memleketterdiń basshylary qol qoıǵan kedendik tranzıttiń biryńǵaı júıesi týraly kelisim – uıym aıasyndaǵy tranzıtti retteıtin úshinshi mańyzdy halyqaralyq shart. Ol kedendik tranzıttiń biryńǵaı júıesiniń negizgi qaǵıdattaryn aıqyndap, úshinshi eldermen halyqaralyq sharttar jasasý talaptaryn belgileıdi, - dedi vıtse-mınıstr.

Aıtýynsha, EAEO aýmaǵyndaǵy barlyq jaǵdaılar men protsesterdi standarttaýǵa múmkindik beredi.

Sonymen birge mynandaı ózgeristerge:

- tranzıt kezinde kedendik operatsııalardy biryńǵaı tártippen júrgizýge;
- tranzıttik deklaratsııanyń biryńǵaı málimetterin paıdalanýǵa;
- kedendik bajdar men salyqtardy tóleýdiń biryńǵaı tártibin qoldanýǵa;
- kedendik operatsııalardy jasaý kezinde aqparat almasýdy jedeldetýge;
- navıgatsııalyq plombalar arqyly taýarlardy jetkizý ýaqytyn qysqartýǵa;
- tasymaldaýshylar men bıznes shyǵyndaryn tómendetýge yqpal etedi.

Eske salsaq, Premer-mınıstr Oljas Bektenov Shymkentte ótken Eýrazııalyq úkimetaralyq keńestiń keńeıtilgen quramdaǵy otyrysynda júk aǵyndaryn úılestirýdiń ıntegratsııalanǵan platformasyn qurýdy usynǵan.